သတင်းများ

                                                                                                                ၂၀၁၆ ခုနှစ်၊ နိုဝင်ဘာလ(၂)ရက်

ပြည်ထောင်စုသမ္မတမြန်မာနိုင်ငံတော်အစိုးရ

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန

အပူပိုင်းဒေသစိမ်းလန်းစိုပြည်ရေးဦးစီးဌာန၊ ညွှန်ကြားရေးမှူးချုပ်ရုံး

မန္တလေးမြို့

စာမေးပွဲဖြေဆိုရန်အသိပေးကြေညာခြင်း

၁။        သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ အပူပိုင်းဒေသစိမ်းလန်းစိုပြည်ရေးဦးစီးဌာန၏ ၂၀၁၆ ခုနှစ်၊  စက်တင်ဘာလ (၁၅) ရက်စွဲဖြင့် မြန်မာ့အလင်းသတင်းစာမှ ခေါ်ယူထားသည့် အပူပိုင်းဒေသစိမ်းလန်းစိုပြည်ရေး ဦးစီးဌာနတွင်  လစ်လပ်လျက်ရှိသော တောအုပ်ကြီး (လစာနှုန်း ကျပ်  ၁၈၀၀၀၀ – ၂၀၀၀ – ၁၉၀၀၀၀) ရာထူး(၁၅)နေရာအတွက် လျှောက်လွှာတင်ထားသည့် ပုဂ္ဂိုလ်များကို သစ်တောတက္ကသိုလ်၊ ရေဆင်းတွင် အောက်ဖော်ပြပါ အတိုင်း ရေးဖြေစာမေးပွဲ စစ်ဆေးမည်ဖြစ်ပါသည်–

၂။  စာမေးပွဲဖြေဆိုရန်အတွက် မိမိတို့တစ်ဦးချင်းစီ၏ စာမေးပွဲခုံနံပါတ်များကို သစ်တောတက္ကသိုလ် ၊ ရေဆင်းတွင်လည်းကောင်း၊ အပူပိုင်းဒေသစိမ်းလန်းစိုပြည်ရေးဦးစီးဌာန၏www.dryzonegreening.gov.mm/?q=media/329958 webpage တွင်လည်းကောင်း ကြိုတင်ကြေညာ ပေးထားမည်ဖြစ်ပါသည်။ ရေးဖြေစာမေးပွဲအောင်မြင်သူများအား လူတွေ့ဖြေဆို ရမည့် ရက်စွဲ၊ အချိန်၊ နေရာတို့အား ဆက်လက်ထုတ်ပြန်ကြေညာ ဆောင်ရွက်သွားမည်ဖြစ်ပါသည်။

၃။ စာမေးပွဲဖြေဆိုရန် လျှောက်ထားသူများသည် စာမေးပွဲဖြေဆိုမည့် ၂၀၁၆ ခုနှစ်၊ နိုဝင်ဘာလ ၂၆ ရက် (စနေနေ့) နံနက် ၈:၀၀နာရီအရောက် ဖြေဆိုရန်နေရာသို့ နိုင်ငံသားစိစစ်ရေးကတ်ပြားမူရင်းနှင့်အတူ လာရောက်သတင်းပေးပို့ရန်နှင့် စတင်စစ်ဆေးမည့် သတ်မှတ်ချိန်ထက် နောက်ကျ၍ စာမေးပွဲခန်းမအတွင်းသို့ ရောက်ရှိလာသော ပုဂ္ဂိုလ်များအား စာမေးပွဲဖြေ ဆိုခွင့်ပြုမည်မဟုတ်ကြောင်း ကြိုတင်အသိပေးအပ်ပါသည်။

အပူပိုင်းဒေသစိမ်းလန်းစိုပြည်ရေးဦးစီးဌာန