UNDP- AF စီမံကိန်း

                        United Nations Development Programme(UNDP) နှင့် အပူပိုင်းဒေသစိမ်းလန်းစိုပြည်ရေးဦးစီးဌာနတို့ ပူးပေါင်း၍ မြန်မာနိုင်ငံအပူပိုင်း ဒေသတွင် ရာသီဥတု ပြောင်းလဲမှုကြောင့် ရေအရင်းအမြစ်နှင့် စားနပ်ရိက္ခာ ဖူလုံမှု တို့အပေါ် ထိခိုက်နိုင်‌ခြေများအား စီမံဖြေရှင်းရေးစီမံကိန်း “Addressing  Climate Change Risks   on Water Resources and Food Security in the Dry Zone of Myanmar”ကိုစစ်ကိုင်းတိုင်းဒေသကြီးတွင် ရွှေဘိုမြို့နယ်နှင့် မုံရွာမြို့နယ်၊ မကွေးတိုင်းဒေသကြီးတွင် ချောက်မြို့နယ်နှင့် မန္တလေးတိုင်းဒေသကြီးတွင် မြင်းခြံ မြို့နယ်နှင့် ညောင်ဦးမြို့နယ်တို့၌၂၀၁၅ ခုနှစ်မှ ၂၀၁၉ ခုနှစ် အထိ အကောင် အထည်ဖော်ဆောင်ရွက်လျက်ရှိပါသည်။ ငွေကြေးထောက်ပံ့သည့် အဖွဲ့အစည်းမှာ Adaptation Fund (AF)ဖြစ်ပြီးထောက်ပံ့မှု(ရန်ပုံငွေ)မှာ အမေရိကန် ဒေါ်လာ(၇.၉)သန်း ဖြစ်ပါသည်။ စီမံကိန်းလုပ်ငန်းများအား UNDP မှ တိုက်ရိုက် အကောင်အထည်ဖေါ် ဆောင်ရွက်ခြင်း ဖြစ်ပါသည်။

                         စီမံကိန်းလုပ်ငန်းများ အချိန်နှင့်တပြေးညီ အကောင်အထည်ဖော် ဆောင် ရွက်နိုင်ရေး ကြီးကြပ်လမ်းညွှန်မှုပြုရန်အတွက် စီမံကိန်းကြီးကြပ်မှု ကော်မတီ (Project Steering Committee) ကို ဖွဲ့စည်းခဲ့ပြီး စီမံကိန်း ကြီးကြပ်မှုကော်မတီ အစည်းအဝေးကို (၆)လလျှင်တစ်ကြိမ် ကျင်းပလျက်ရှိရာ  ယနေ့အထိ(၉)ကြိမ် ကျင်းပပြီးဖြစ်ပါသည်။နဝမအကြိမ်စီမံကိန်းကြီးကြပ်မှုကော်မတီအစည်းအဝေး  ကို(၁၈-၆-၂၀၁၉)ရက်နေ့တွင် ဦးစီးရုံးချုပ်၊စန္ဒကူးခန်းမ၌ကျင်းပပြုလုပ်ခဲ့ပါ သည်။

                          စီမံကိန်းလုပ်ငန်းများ ဆောင်ရွက်ရာ၌ နည်းပညာရပ်ဆိုင်ရာ အကြံဉာဏ် များ ပံ့ပိုးကူညီပေးနိုင်ရန်အတွက် ဌာနပေါင်းစုံမှ ပညာရှင်များဖြင့် ဖွဲ့စည်းထားသော Technical Advisory Group ကိုဖွဲ့စည်းခဲ့ပြီး နည်းပညာ အကြံ‌ပေးအဖွဲ့ အစည်းအဝေးကို (၃)လလျှင်တစ်ကြိမ် ကျင်းပလျက်ရှိရာ ယနေ့အထိ (၁၅)ကြိမ် ကျင်းပပြီး ဖြစ်ပါသည်။ (၁၅)ကြိမ်မြောက် နည်းပညာ အကြံ‌ပေးအဖွဲ့ အစည်းအဝေး ကို (၆-၆-၂၀၁၉)ရက်နေ့တွင်မန္တလေးမြို့၊ Sakura Princess  ဟိုတယ်၌ ကျင်းပ ခဲ့ပါသည်။

                          စီမံကိန်းကြီးကြပ်မှုကော်မတီ(PSC) အစည်းအဝေးနှင့် နည်းပညာ အကြံ ပေးအဖွဲ့(TAG) အစည်းအဝေးများ မရှိသည့် ကြားကာလများတွင် စီမံကိန်းလုပ် ငန်းအကောင်အထည်ဖေါ် ဆောင်ရွက်ပြီးစီးမှုများအပေါ် သုံးသပ်မှုများ ပြုလုပ် ရန်နှင့် စီမံကိန်းရှေ့လုပ်ငန်းစဉ်များ ကြိုတင်စီစဉ်နိုင်ရန်အတွက် စီမံကိန်းလစဉ် အစည်းအဝေးများကိုလည်း ကျင်းပလျက်ရှိပြီး ၂၀၁၆-ခုနှစ်တွင် (၅)ကြိမ်၊ ၂၀၁၇-ခုနှစ် တွင်(၄)ကြိမ်၊ ၂၀၁၈-ခုနှစ်တွင်(၃)ကြိမ်နှင့် ၂၀၁၉-ခုနှစ်တွင်(၁)ကြိမ် ကျင်းပပြီး ဖြစ်ပါသည်။ (၁/၂၀၁၉) လစဉ် အစည်းအဝေးအား (၁၅-၂-၂၀၁၉) ရက်နေ့တွင် ဦးစီးရုံးချုပ်၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။

                        ရေရရှိရေးလုပ်ငန်းများ အကောင်အထည်ဖော် ဆောင်ရွက်ခြင်း၊ သဘာဝ တောကျန်များ ထိန်းသိမ်းကာကွယ်ခြင်း(၉,၆၈၄)ဧက၊ သစ်တောစိုက်ခင်းများ တည် ထောင်ခြင်း(၅,၂၃၆)ဧက၊ ခြောက်သွေ့ဒဏ်ခံစိုက်ပျိုးနည်းစနစ်များနှင့် ရာသီဥတုဒဏ်ခံ မွေးမြူရေးနည်းစနစ်များ ဆောင်ရွက်ခြင်း၊ ရာသီဥတုပြောင်းလဲခြင်းဆိုင်ရာ သတင်း အချက်အလက်များဖြန့်ဝေခြင်း၊ သင်တန်းများပို့ချခြင်းစသည့်လုပ်ငန်းများ အကောင် အထည်ဖော်ဆောင်ရွက်လျက်ရှိရာ ၂၀၁၉ ခုနှစ်၊ ဇူလိုင်လကုန်အထိ ရာနှုန်းပြည့် ဆောင် ရွက်ပြီးဖြစ်ပါသည်။